Жаҳон миқёсида ўтказиладиган, ўқувчиларга бир йил мобайнида АҚШнинг ўрта таълим мактабларидан бирида таълим олиб, ушбу мамлакат ҳаёти билан танишиши учун имконият яратадиган FLEX  танлови якунлари чиқарилди. Бир неча йиллардан буён шогирдларини мазкур дастур орқали дунёнинг у томонига йўллаётган «Бўлашақ» ўқув маркази бу сафар ҳам муваффақият қозонди: Сайрам туманидаги №4 мактаб-гимназияда ўқиб, айни вақтда мазкур марказда билимларини ошираётган ўқувчи Гулбаҳор Абдазимова йўлланмалардан бирини қўлга киритди. Юртимизнинг билимли ва тиришқоқ фарзандига омадлар тилаймиз.